पवन भगिरथ
बारा,निजगढ ।ट्रीप्परको ठक्करबाट दाहिने हात चुँडिएका धनबहादुर लुङ्वाको स्वास्थ्य अवस्था सामान्य बन्दै गएको छ। चितवनस्थित नयाँ मेडिकल कलेजको सघन उपचार कक्षमा उपचाररत लुङ्वा खतरामुक्त रहेपनी हात भने पुन: जोड्न नसकिने भएको छ। उपचारमा संलग्न चिकित्सकको भनाई उधृत गर्दै ईलाका प्रहरी कार्यालय निजगढका निरीक्षक घनश्याम श्रेष्ठले हात जोड्न नसकिने बताएका हुन्।

लुङ्वालाई ठक्कर दिने ट्रीपर र चालकलाई भने प्रहरीले अमलेखगंजबाट नियन्त्रणमा लिई थप अनुसन्धानका लागि ईप्रका निजगढमा राखेको छ।

शनिबार राती रौतहटबाट ईंट्टा लोड गरि रतनपुरतर्फ जाँदै गरेको बा-०३-००१ख १३५६ नम्बरको ट्रीपरले बाराको रतनपुरबाट सिङ्गौलतर्फ साथिभाईसँग अटोरिक्सामा सिङ्गौलको मेला हेर्न हिँडेका निजगढ १२, बार्थलिका ३१ वर्षिय लुङ्वालाई राती साँढे ८ बजे निजगढ-रतनपुर सडकखण्डको तपस्यास्थल नजिकै पेलेको थियो।अटो रिक्साको ढोकामाथी हात समाई यात्रा गरिरहेका लुङ्वाको ट्रीपरको पेलाईबाट घटनास्थलमै हात छिनेको प्रहरीले जनाएको छ।
घटना हुनेबितिक्कै लुङ्वालाई उपचारका लागि बीरगंज लगिएपनी त्यहाँ उपचार हुन नसकेपछी राती नै चितवन लगिएको थियो।