पवन भगिरथ
निजगढ:बाराको निजगढ नगरपालिका वडा नं ४ को बागभैरव सामुदायिक बन उपभोक्ता समितिको सभाहल स्थित  निजगढ क्रियटिभ स्किल डेभलपमेन्ट प्रा.लि.,निजगढको आयोजना र निजगढ नगरपालिका ४ नं वडा कार्यालयको आर्थिक सहयोगमा वडाको “दलित महिला तथा विपन्न लक्षित कार्यक्रम”अन्तरगत छुट्टयाइएको बजेटबाट वडाका महिला बेरोजगारलाई अब सीप र तालिमको माध्यमले पिछडिएका अति विपन्न तथा दलित महिलाहरुलाई बेरोजगारी न्यूनीकरण,आत्मनिर्भर,स्वरोजगार बनाउने उध्यस्यका साथ दलित महिला तथा विपन्न समुदायका २० जना महिलाहरुलाई आज १२ गते  शनिबारदेखि ७ दिने क्रिष्टलको माला बनाउने तालिम सुरु गरिएको छ।

निजगढ क्रियटिभ स्किल डेभलपमेन्ट प्रा.लि.निजगढका प्रबन्धक निर्देशक बिष्णु प्रसाद रिसालको सभा अध्यक्षतामा भएको समुद्घाटन कार्यक्रमको प्रमुख अतिथी निजगढ नगरपालिका वडा नं ४ का वडा अध्यक्ष बिसन सापकोटा,विशिस्ट अतिथी निजगढ नगरपालिका योजना शाखा प्रमुख अजय उप्रेती, कार्यपालिका सदस्य मिना चौँरेल,अतिथी वडा सदस्य सागर गौतम,राजसेन कुमर,सुमित्रा विश्वकर्मा,समाजसेवी रुपेश कुमार चौधरी,राजकुमार कार्की,रमेशकुमार अर्याल,दिल बहादुर पाण्डे,सन्चारकर्मी पवन वि.क.,त्यस्तै यश तालिमका मुख्य प्रशिक्षक चितवनकि सजिता पुडासैनी लगायतको आतिथ्यता रहेको थियो।

आयोजक संस्थाका व्यवस्थापक बलराम खड्काले संचालन तथा स्वागत गर्नुभएको कार्यक्रममा प्रमुख अथिथी वडा नं ४ का वडा अध्यक्ष बिसन सापकोटा,बिशिस्ट अतिथी निजगढ नगरपालिका योजना शाखा प्रमुख अजय उप्रेती,कार्यपालिका मिना चौँरेल, समाजसेवी रमेशकुमार अर्याल र सन्चारकर्मी पवन वि.क.लगायतले शुभकामना मन्तव्य व्यक्त गर्नु भएको थियो।

यस ७ दिने क्रिष्टलको माला बनाउने तालिम कार्यक्रमको प्रशिक्षण मुख्य प्रशिक्षक सजिता  पुडासैनीले तालिममा सहभागी महिला दिदिबहिनीहरुलाई बिशेशगरि क्रिष्टलको गरगहना,चुरा,माला,बार्ह लुङ्ग पोते,कानमा लाउने टप तथा औंठि,नौगेडि पोते ,रानिहार,मोति माला लगायतको गर्गहना बनाउन सिकाईनेछ।