पवन भगिरथ
निजगढ :बाराको निजगढ नगरपालिका वडा नं ४ को बागभैरव सामुदायिक बन उपभोक्ता समितिको सभाहल स्थित  निजगढ क्रियटिभ स्किल डेभलपमेन्ट प्रा.लि.,निजगढको आयोजना र निजगढ नगरपालिका ४ नं वडा कार्यालयको आर्थिक सहयोगमा वडाका “दलित महिला तथा विपन्न लक्षित कार्यक्रम”अन्तरगत छुट्टयाइएको बजेटबाट वडाका महिला बेरोजगारलाई सीप र तालिमको माध्यमले पिछडिएका अति विपन्न तथा दलित महिलाहरुलाई बेरोजगारी न्यूनीकरण,आत्मनिर्भर,स्वरोजगार बनाउने उध्यस्यका साथ दलित महिला तथा विपन्न समुदायका २० जना महिलाहरुलाई १२ गते  शनिबारदेखि सुरु भएको ७ दिने क्रिष्टलको माला बनाउने तालिम हिजो १८ गते शुक्रवार सम्पन्न भएको छ।

निजगढ क्रियटिभ स्किल डेभलपमेन्ट प्रा.लि.निजगढका ब्यबस्थापक बलराम खड्काको सभा अध्यक्षतामा भएको समापन कार्यक्रमको प्रमुख अतिथी निजगढ नगरपालिका वडा नं ४ का वडा अध्यक्ष बिसन सापकोटा,विशिस्ट अतिथी निजगढ नगरपालिकाकि कार्यपालिका सदस्य मिना चौँरेल,अरुणा वि.क.,अतिथी वडा सदस्य राजसेन कुमर,सुमित्रा विश्वकर्मा,समाजसेवी रुपेश कुमार चौधरी,त्यस्तै यश तालिमका मुख्य प्रशिक्षक चितवनकि सजिता पुडासैनी लगायतको आतिथ्यता रहेको थियो।

आयोजक संस्थाका व्यवस्थापक बलराम खड्काले संचालन तथा स्वागत गर्नुभएको कार्यक्रममा प्रमुख अथिथी वडा नं ४ का वडा अध्यक्ष बिसन सापकोटा,बिशिस्ट अतिथी निजगढ नगरपालिका कार्यपालिका मिना चौँरेल र सहभागिको तर्फबाट बालकुमारी कार्की लगायतले शुभकामना मन्तव्य व्यक्त गर्नु भएको थियो।

यस ७ दिने क्रिष्टलको माला बनाउने तालिम कार्यक्रमको प्रशिक्षण मुख्य प्रशिक्षक सजिता  पुडासैनीले तालिममा सहभागी महिला दिदिबहिनीहरुलाई बिशेशगरि क्रिष्टलको गरगहना,चुरा,माला,बार्ह लुङ्ग पोते,कानमा लाउने टप तथा औंठि,नौगेडि पोते ,रानिहार,मोति माला लगायतको गर्गहना बनाउन सिकाईएको थियो।

आयोजक सँस्थाले समापन समारोह कार्यक्रममा यश वडाबाट कार्यक्रमलाई बजेट बिनियोजन गरि कार्यक्रम ल्याईएकोमा यसको उच्च मुल्यांकन गर्दै वडा कार्यालय परिवारलाई मायाको चिनो समेत  हस्तान्तरण गरिएको थियो। साथै तालिमका प्रशिक्षक पुडासैनीको योगदानको उच्च कदर गर्दै प्रमाणपत्र हस्तान्तरण गरिनुका साथै तालिममा सहभागी सबैलाई प्रमाणपत्र हस्तान्तरण गरिएको थियो। एक हप्ता अवधिभर आफुले सिकेर बनाएका क्रिष्टलको मालाका सबै गर्गहना उनिहरिलाई नै हस्तान्तरण गरिएको थियो भने केही गर्गहना अतिथिहरुलाई मायाको चिनो स्वरुप प्रदान गरिएको थियो।