
पवन भगिरथ,जेठ १६ बुधबार।
निजगढ: १७ औं गणतन्त्र दिवसको अवसर पारी हिजो मंगलबार बाराको निजगढ नगरपालिका वडा नं ४ को बागभैरव सामुदायिक बन उपभोक्ता समितिको सभाहल स्थित निजगढ क्रियटिभ स्किल डेभलपमेन्ट प्रा.लि.,निजगढको आयोजना र निजगढ नगरपालिका ४ नं वडा कार्यालयको आर्थिक सहयोगमा शुभकामना आदानप्रदान तथा खेलकुद सामाग्री वितरण कार्यक्रम सम्पन्न भएको छ।
वडाका “विभिन्न क्लबमा आबद्ध खेलाडीहरुलाई मध्यनजर राख्दै खेलकुदलाई हौसला प्रदान गर्न र खेलकुदकै माध्यमबाट आफ्नो वडामा रहेका खेलाडीहरुलाई सम्बर्द्धन तथा प्रबर्द्धन गराउने उध्यस्यका साथ वडाका ५ वटा क्लबहरु बागभैरव युवा क्लब,बागदेव हाईट क्लब,निजगढ युवा क्लब,समाजसुधार स्मृती युवा क्लबहरुलाई क्यानन कम्पनिको फुटबल जर्सी १५/१५सेट,ईरा कम्पनिको फुटबल ५/५ थान र निजगढ कृकेट क्लबलाई मिनि कृकेट कीट १ थान हस्तान्तरण गरिएको हो।
निजगढ क्रियटिभ स्किल डेभलपमेन्ट प्रा.लि.निजगढका ब्यबस्थापक बलराम खड्काको सभा अध्यक्षता, निजगढ नगरपालिका वडा नं ४ का वडा अध्यक्ष बिसन सापकोटाको प्रमुख आतिथ्यता,निजगढ नगरपालिका योजना शाखा प्रमुख अजय कुमार उप्रेती,नेपाली काङ्ग्रेस प्रतिनिधि तथा समासेवी महेशी कुमर,नेकपा माओवादी निजगढ नगर कमिटी अध्यक्ष सन्तोष दङ्गाल, निजगढ नगरपालिकाकि कार्यपालिका सदस्य मिना चौँरेल,अरुणा वि.क.,शर्मिला वि.क.को बिशिस्ट आतिथ्यता, रा.प्र.पा.वडा कमिटी अध्यक्ष श्याम सुन्दर पाण्डे ,बाघ भैरव सामुदायिक बनका अध्यक्ष अमरलाल सिङ्तान,समाजसेवी बासुदेव चौधरी,बाघभैरव युवा क्लबका अध्यक्ष अमर बहादुर अधिकारी,निजगढ युवा क्लबका प्रतिनिधि परदेशी कुमार थारु,बागदेव हाईट क्लबका अध्यक्ष देवराज गौतम,समाजसुधार स्मृति युवा क्लबका प्रतिनिधि पृथ्वी मोक्तान र निजगढ कृकेत क्लबका अध्यक्ष निर्मला सापकोटा लगायतको आतिथ्यता रहेको थियो।
आयोजक संस्थाका व्यवस्थापक बलराम खड्काले संचालन तथा स्वागत गर्नुभएको कार्यक्रममा प्रमुख अतिथी वडा नं ४ का वडा अध्यक्ष बिसन सापकोटा,बिशिस्ट अतिथी,अजय कुमार उप्रेती,महेसी कुँमर,सन्तोष दङ्गाल,निजगढ नगरपालिका कार्यपालिका सदस्य मिना चौँरेल,अरुणा वि.क. र शर्मिला वि.क.,अमरलाल सिङ्ग्तान लगायतले शुभकामना मन्तव्य व्यक्त गर्नु भएको थियो।