पवन भगिरथ
निजगढ:बाराको निजगढ नगरपालिका वडा नं.४,पुरानो निजगढको ब्रम्हथान मन्दिर प्राङ्गण स्थित मेचिमहाकाली बुहारी संयुक्त आवाजको आयोजना,निजगढ नगरपालिकाको आर्थिक सहयोग तथा निजगढ नगर कार्यपालिका सदस्य लक्षित वर्ग कोष अन्तरगत छुट्याईएको बजेटबाट निजगढ नगर कार्यपालिका सदस्य मान बहादुर डासेली,मिना चौँरेल,शर्मिला सुनार र अरुणा वि.क.को बिशेश बजेट नेतृत्वमा “महिला तथा बालबालिकाको हिंसा विरुद्धको हाम्रो अभियान”भन्ने मुल नाराका साथ महिला तथा बालबालिकाको हिंसा विरुद्ध ७ दिने महिला हिंसा न्यूनीकरण प्रशिक्षण कार्यक्रम आज मङ्गलवारबाट उद्घाटन तथा सुरुवात भएको छ। यश एक हप्ते तालिममा  ३२ जना महिला सहभागिहरुलाई प्रशिक्षक कल्पना खरेल रभाईकाजी श्रेष्ठले प्रशिक्षण दिनुहुनेछ।

सिङ्गौल ब्लकबाट सुरु भएको कार्यक्रम अझै निजगढ र रतनपुर ब्लकमा समेत यो कार्यक्रम गरिने आयोजक संस्थाले जानकारी दिएको छ। पछिल्लो समय यश सँस्थाले आवाजबिहिन महिलाहरुको आवाज बन्दै हिंसाबाट पीडित अन्यायमा परेका महिला दिदिबहिनीहरुलाई न्याय दिलाउने काम गर्ने,अग्निपिडित,आर्थिक अभावले उपचार गर्न नसक्ने क्यान्सर पिडित,मृगौला पीडित ब्यक्तिहरुलाई सहयोग गर्दै आएको छ।

आयोजक संस्थाका संयोजक चन्दृका कु.पुलामी मगरको सभाध्यक्षतामा भएको कार्यक्रममा बिशिस्ट अतिथी तथा अतिथिहरुबाट गमलामा पानी हालेर औपचारिक कार्यक्रमको समुद्घाटन  गरिएको थियो। संस्थाकी सचीव उषा थापा मोक्तानले संचालन गर्नुभएको कार्यक्रममा स्वागत मन्तव्य संस्थाकाकि कोषाध्यक्ष लक्ष्मी चौलागाईंले गर्नुभएको थियो।

उक्त समुद्घाटन समारोह कार्यक्रममा  बिशिस्ट अतिथी निजगढ नगरपालिका कार्यपालिका सदस्य मान बहादुर डासेली,शर्मिला सुनार,मिना चौँरेल,अरुणा वि.क.ईलाका प्रहरी कार्यालय निजगढका प्रहरी निरीक्षक सुमित कुस्वाहा,अतिथिहरुमा माओवादी नेता तथा समाजसेवी बेनि बहादुर मोक्तान,समुन्नत महिला बहुउद्देश्यीय सहकारी संस्था लिमिटेडका अध्यक्ष कल्पना खरेल,महिला बिकास केन्द्रका अध्यक्ष बबिता सापकोटा,सन्चारकर्मी पवन वि.क. लगायतको उपस्थिति रहेको थियो।

कार्यक्रममा कार्यपालिका सदस्यहरु मान बहादुर डासेली,शर्मिला सुनार,मिना चौरेल,अरुणा वि.क.,समाजसेवी बेनि बहादुर मोक्तान, प्रहरी निरीक्षक सुमित कुस्वाहा ,मेचिमहाकाली सल्लाहकार तथा समुन्नत महिला बहुउद्देश्यीय सहकारी संस्थाकी अध्यक्ष कल्पना खरेल,सन्चारकर्मी पवन भगिरथ लगायतले कार्यक्रमको सफलताको कामना गर्दै शुभकामना मन्तव्य  ब्यक्त गरेका थिए।