पवन विश्वकर्मा/बारा
बारा-निजगढ:- तामागढि-डम्बरपुर सडकखण्ड अन्तरगतको निजगढ नगरपालिका वडा नं १३ साँखु नजिकै हिजो होलिको दिन साँझ०५:३० बजेको समयमा भक्तलालदेखि घर फर्कने क्रममा तीब्र गतिमा रहेको ना २० प ५२०२ नम्बरको मोटरसाईकल एक्कासि अनियंत्रित भइ निजगढ-१३ को साँखु नजिकै सडकको छेउमा रहेको सिमेन्ट-पोलमा ठक्कर खाई मोटरसाईकमा सवार  हेटौंडा उपमहानगरपालिका वडा नं १६,आकाशधारा निवासी वर्ष ३० को सोमलाल बोम्जन(चालक) र सोही मोटरसाईकलमा सवार वर्ष ३५ का हिरालाल मोक्तान,चालक बोम्जनका आफ्नै(ज्वाईं) गम्भीर घाईते भएका थिए

गम्भीर घाईते भएका दुबै जना(ज्वाईं-जेठानलाई हिजोनै उपचारको लागि एम्बुलेन्समा सङ्गै आएका अर्का आफन्त,मोटरसाईकल चालक कृष्ण घलानद्वारा हेटौंडा अस्पताल लगिएको थियो। घलान अगाडी अगाडी र बोम्जन र मोक्तान पछाडि थिए। हेटौंडा अस्पतालमा उपचार हुन नसकेपछि थप उपचारको लागि घाईहरुलाई भरतपुर अस्पतालमा लगिएको थियो। उपचारका क्रममा गम्भीर घाइते चालक सोमलाल बोम्जनको आज भरतपुर अस्पतालमा मृत्यु भएको छ। अर्का गम्भीर घाइते हिरालाल मोक्तानलाई भने थप उपचारका लागि काठमाडौं लगिएको घटनाका प्रत्यक्षदर्शी तथा सङगै आएका अर्को मोटरसाईकल चालक हेटौंडा उपमहानगरपालिका वडा  नं १६ का कृष्ण घलानले नमुना खबर टि भि डटकमलाई जानकारी दिएका छन।